Imos facer... pompas de xabón!

Ola bichiños!!!

Como estades? Supoño que con estes días de tanta calor, e agora que xa podemos sair un pouquiño, estaredes aproveitando para pasear, ir á praia ou ata mollarvos coa mangueira na casa!

Non sei a vós, pero a mín encántame xogar coa auga, así que hoxe traémosvos unha actividade para facer pompas de xabón e así practicar tamén o sopro… apetécevos? Imos!!!

Para comezar, imos ver os materiais que precisamos:

• Un vaso de auga.
• Medio vaso de deterxente líquido ou lavalouzas.
• Unha culler, pau, garfo… o que sexa para remexer!
• Unha xerra para botar a mezcla.
• O cartón dun tubo de papel hixiénico acabado.
• Ganas de pasalo ben!!!!

Mezclamos todo na xerra ata que non se diferencie o auga do xabón, mollamos o cartón …e sopramos!!!

Mirade como queda!!!!

Lembrade! Collemos aire polo nariz….aguantamos un pouquechiño…e botámolo pola boca facendo un O cos beizos, pouco a pouco.

Agardamos que o pasedes moi ben e aproveitedes o xogo coas pompas para refrescarvos un pouquiño…por aquí acabamos perdidiñas!

Biquiños a moreas!!!